|
Written by എബി ജെ ജോസ്
|
|
Monday, 01 February 2010 21:33 |
കൈവെട്ട് പ്രയോഗം : ഇസ്മയിലിനെതിരെ ഉപരാഷ്ട്രപതിക്ക് പരാതിഎബി ജെ ജോസ്കോട്ടയം : കേരളത്തിലെ സമാധാനാന്തരീക്ഷം തകര്ത്ത് അക്രമവാസനയ്ക്കു വഴിമരുന്നിടാന് രാഷ്ട്രീയ-സിനിമാരംഗത്തുള്ളവര് ശ്രമിക്കുകയാണെന്നു മഹാത്മാഗാന്ധി നാഷണല് ഫൗണ്ടേഷന് കുറ്റപ്പെടുത്തി. മൂന്നാറില് സി.പി.ഐ. ഓഫീസ് പൊളിക്കാനെത്തുന്നവരുടെ കൈവെട്ടുമെന്ന പാര്ട്ടി അസിസ്റ്റന്റ് സെക്രട്ടറി കെ.ഇ. ഇസ്മായില് എം.പിയുടെ പ്രസ്താവന നിയമവാഴ്ചയോടുള്ള വെല്ലുവിളിയാണ്. തെരഞ്ഞെടുപ്പില് ജനം പരാജയപ്പെടുത്തിയ ഇസ്മായില് രാജ്യസഭയിലൂടെ ജനപ്രതിനിധിയാക്കപ്പെട്ടയാളാണ്. സി.പി.ഐ. റവന്യൂ വകുപ്പ് ഭരിക്കുമ്പോള് സി.പി.ഐ. ഓഫീസ് പൊളിക്കാന് അധികൃതര് വരുമെന്ന ഇസ്മായിലിന്റെ പ്രസ്താവന വിശ്വാസയോഗ്യമല്ല. പൊതുസ്വത്ത് ഒരിഞ്ചെങ്കിലും കൈവശമുണ്ടെങ്കില് സര്ക്കാരിനു വിട്ടുകൊടുക്കാനുള്ള മാന്യതയാണ് കാണിക്കേണ്ടത്. കൈവെട്ടുമെന്നു പറഞ്ഞിട്ടില്ലെന്ന എം.പി.യുടെ പ്രസ്താവനയ്ക്കു പകരം തെറ്റുപറ്റിയിട്ടുണ്ടെങ്കില് ഖേദം പ്രകടിപ്പിക്കുകയായിരുന്നു വേണ്ടത്. അക്രമവാസനയ്ക്ക് ആഹ്വാനം നല്കിയ എം.പിയ്ക്കെതിരെ നടപടി സ്വീകരിക്കണമെന്നാവശ്യപ്പെട്ട് രാജ്യസഭാ ചെയര്മാന്കൂടിയായ ഉപരാഷ്ട്രപതിക്കു ഫൗണ്ടേഷന് പരാതി നല്കി.
ദ്രോണാ എന്ന മലയാള സിനിമയുടെ പോസ്റ്ററുകളില് `പക വീട്ടാനുള്ളതാണ്' എന്ന തെറ്റായ സന്ദേശം ഇപ്പോള് കേരളത്തില് പ്രചരിപ്പിക്കുന്നത് ദുരുദ്ദേശ്യപരമാണ്. പ്രസ്തുത പോസ്റ്റര് പിന്വലിക്കണമെന്നും ഫൗണ്ടേഷന് ആവശ്യപ്പെട്ടു. ഇതു സംബന്ധിച്ചു കേരളാ മുഖ്യമന്ത്രിക്കു ഫൗണ്ടേഷന് പരാതി നല്കിയിട്ടുണ്ട്.
ചെയര്മാന് എബി ജെ. ജോസ് അധ്യക്ഷത വഹിച്ചു. സാംജി പഴേപറമ്പില്, ബിനു പെരുമന, അരുണ് കീച്ചേരില്, സോണി ഫിലിപ്പ് തുടങ്ങിയവര് പ്രസംഗിച്ചു.
|
|
Last Updated ( Tuesday, 09 February 2010 21:30 )
|
